De 25. März ass Première

Chaos an der Morgue

Fir en turbulenten Owend, wou vill däerf gelaacht ginn, suergen op der Bün:
Romain Pierrot; Nathalie Felten; Vera Gadde; Sally Thill; Claude Leus; Chantal Nether; Claude Greisch; Jules Orlando a Rachel Leus

Regie: Guy Geimer

Regieassistenz: Sylvie Weis, Romain Graul

Luucht an Toun: Muriel Galeazzi, Arnold Bosseler

Bünebild wéi ëmmer vun der Technescher Equipe

Den Doudegriewer Emile Henkes stécht a schlechten Dicher.
An zwar esou déif datt d’Dierwiechterin schonns virun derDir steet! Seng liewensfrou Fra Véronique a seng Duechter, dat sech ausgerechent an der Gothikszeen wuel fillt, maachen dat Ganzt net méi einfach!
Dat ass och de Grond firwat hie sech op eng onmoralesch Offer aléisst. Hien ass bereet dem Roger Kemp säi Begriefnes ze "inzenéieren", fir esou u Suen ze kommen. Dee Fatzert wëll nämlech op des Manéier vu senger räicher Fra lasskommen, dobäi nach e gudde Batz Geld mathuelen an dann en neit Liewe mat senger Frëndin Rita ufänken!
Dobäi hëllefe soll säi Mataarbechter Daman. Mee, séier stellt sech eraus datt déi Inzenéierung ëmmer méi aus dem Rudder leeft! Well, wann dem Roger seng Fra op d’Frëndin trëfft, Dierwiechterin komplett strack gemaach gëtt, de Mataarbechter mat der Frëndin duerch d’Bascht geet, seng Duechter aus der Gothikszeen...

Naja! A wann zu gudder Lescht déi lieweg Läich Roger verschwënnt ass de Chaos perfekt.
Wien hei net laacht ass selwer schold.