Well mir net all Koordinate kruten, konnte mir leider net alleguerten de betraffene Leit déi ausgefale Scéance vun Vakanz ass Vakanz rembourséieren. Soot einfach bei der Reservatioun vun Alles Gestrach Bescheed, dann schreiwen  mir Iech déi Plaatze gutt.

 

 

Alles gestrach

De Bauer Pir well endlech déi richteg Fra fir bei sech op säi Mëllechhaff! Duerfir huet hien sech bei der Show « Alles gestrach » gemellt, fir iwwert dee Wee, säi Gléck ze fannen! Um Enn bleiwen 3 Kandidatinnen iwwreg déi elo op sengem Haff mussen ënner Beweis stellen datt si fir dat haart Liewen um Haff gemaach sinn!

Déi grouss Fro! Ass d’Fra vum Liewe fir eise Pir derbäi?

Schéi wär et… jo, wann...

--wann déi 3 Kandidatinnen net wéi Hénger openaner géife picken!

--wann de Moderator Marc net schonns genuch Problemer mat sech selwer hätt!

--wann seng Haushälterin Justine net géif versichen déi ganz Televisiouns Aktioun ze verdierwen!

--Wann de Josy , säi Kniecht net esou vun dem weibleche Charme géif ugezu ginn!

--wann net och nach e gewëssen « friemen » Här géif optauchen!

Keng liicht Ausgangspositioun fir eise Bauer Pir! Kéng liicht Moderatioun fir de Marc! Kee liicht Spill fir eis Kandidatinnen déi sech allen dräi, op hir ganz eege Manéier an de Pir verléiwen!

Fir eis Nokuckerten, awer e Mix, deen e flotten, lëschtegen Theaterowend garantéiert! Erlieft de Pir op der Sich no senger « beschter Kou », an der Show « Alles gestrach ».

Wien hei net laacht, ass selwer Schold!

Et spillen: Marc Leyers, Romain Pierrot, Stéphan Krack, John Heinen, Rachel Flenghi, Patricia Breuer, Chantal Nether, Claude Greisch a Guy Geimer

Regie: Guy Geimer

Assistenz : Muriel Galeazzi, Claude Leus a Sandra Castiglia

Dekor: Technesch Equipe vum Déifferdanger Theater